O fin de curso deixounos momentos inesquecibles cheos de música, sorrisos e emocións. Compartimos convosco algunhas imaxes da despedida do alumnado de 6º de Educación Infantil, que o vindeiro curso comezará Primaria, e do alumnado de 6º de Educación Primaria, que emprende unha nova etapa fóra do cole.
Moita sorte nesta nova aventura!
PARA VER AS FOTOS PREME AQUÍ
|
XIANA E SABELA |
LEO CALO E FRAN |
|
JADE E LUCÍA |
IZAN E LEO P. G. |
|
ENARA E SARA |
CARMEN E DIEGO |
|
AVA |
ALDARA E CRIS |
O alumnado de EI4, EI5 e 1º de EP realizou unha visita ao parque de San Roque, onde puido coñecer de preto o bosque comestible que se está a desenvolver neste espazo. Durante o percorrido, contamos coa colaboración de Manolo que nos explicou as diferentes especies que medran alí, os seus usos e a importancia de coidar e respectar a natureza.
PARA VER AS FOTOS PREME AQUÍ
O alumnado de 4º, 5º e 6º de Educación Primaria participou nunha emocionante excursión a Aventura Dakart, en Sanxenxo. Ao longo da xornada gozaron de numerosas actividades de aventura, xogos ao aire libre e momentos de convivencia cos seus compañeiros e compañeiras.
Este ano, o noso Proxecto Documental Integrado (PDI) está dedicado á arte. Ao longo do curso, os distintos niveis investigaron, aprenderon e desenvolveron actividades relacionadas con este apaixonante tema. A continuación, podedes ver unha mostra dos traballos realizados polos diferentes cursos.
O alumnado de 3º, 4º e 5º de Educación Primaria realizou unha visita aos Castros de Neixón, un dos xacementos arqueolóxicos máis importantes da nosa contorna.
Ao longo da xornada, os nenos e nenas descubriron como vivían os antigos habitantes destes poboados castrexos, coñecendo aspectos da súa vida cotiá, as súas vivendas, costumes e formas de organización.
O alumnado de EI5 e de 2º de Educación Primaria realizou unha interesante saída didáctica ao Clúster de Acuicultura de Aguiño e á Lonxa de Ribeira.
Durante a visita, os nenos e nenas tiveron a oportunidade de coñecer de preto o importante labor que se desenvolve no sector do mar, descubrindo como se crían diferentes especies mariñas e como funciona o proceso de comercialización do peixe e do marisco.
O alumnado de 5º e 6º de Primaria botou a voar a súa imaxinación e creatividade para elaborar diferentes instrumentos musicais empregando material de refugallo. A través desta actividade, ademais de coñecer mellor o mundo da música, tomaron conciencia da importancia de reutilizar materiais e darlles unha segunda vida.
.jpeg)
.jpeg)
.jpeg)
.jpeg)
Hoxe tivemos a sorte de recibir no noso centro a visita de Óscar Reboiras, quen compartiu co alumnado de 3º e 4º unha interesante charla arredor do seu libro “Cando o mundo é azul”.
Moitas grazas a Óscar Reboiras pola súa visita e por compartir connosco o seu traballo!
Hoxe tivemos a sorte de recibir no noso centro a visita da escritora Raquel Castro, que veu compartir con nós o seu libro “Sobremesas sobre versos”. Foi un encontro moi especial no que o alumnado do 3º ciclo puido achegarse á lectura dun xeito diferente, coñecendo de primeira man á autora e descubrindo os segredos que hai detrás das súas historias.
Queremos agradecerlle a súa visita e o tempo compartido con nós, que sen dúbida deixou unha pegada moi doce, como as propias “Sobremesas sobre versos”.
No Día do Libro, o alumnado de educación infantil asistiu ao Auditorio de Ribeira para desfrutar do espectáculo de danza e fantasía "O Arcón de Noa".
Unha xornada chea de ilusión, música e imaxinación que fixo voar a creatividade dos máis pequeno.
Neste Día do Libro, o alumnado de 4º, 5º e 6º apadriñou aos nenos e nenas máis pequenos, léndolles un conto no patio do cole. Foi unha actividade moi especial na que compartiron lecturas, ilusión e moitos sorrisos. Estivo xenial!
Co gallo da celebración do Día do Libro, alumnado do noso centro quixo compartir co resto da comunidade educativa unha serie de recomendacións lectoras.
A través destas propostas, descubrimos historias cheas de aventuras, emocións e aprendizaxes que invitan a seguir desfrutando da lectura. Animámosvos a tomar nota destas suxestións e a mergullarvos no marabilloso mundo dos libros.
Dende a semana pasada contamos no patio de primaria cunha “asamblea de troncos”, un novo espazo pensado para o encontro, o diálogo e o xogo compartido. Trátase dun lugar especial no que o alumnado pode reunirse, conversar, escoitar e expresarse nun ambiente máis natural e acolledor.
Agardamos que este recuncho se converta nun punto de encontro vivo, no que xurdan ideas, historias e momentos para lembrar. Confiamos en que todo o alumnado poida gozar desta nova proposta e facela súa no día a día.
PARA VER AS FOTOS PREME AQUÍ
Hoxe tivemos o pracer de contar coa visita de Mercedes Prieto, quen ofreceu un fermoso obradoiro de música e danza para o alumnado de Educación Infantil.
A través do xogo, o ritmo e o movemento, as nenas e nenos puideron gozar dunha experiencia moi enriquecedora, estimulando a súa expresión corporal, a coordinación e a creatividade. Foi unha xornada chea de alegría, aprendizaxe e participación activa.
Agradecemos a súa visita e a dedicación con que compartiu o seu saber co noso alumnado. Agardamos poder repetir esta experiencia no futuro.
PARA VER AS FOTOS PREME AQUÍ
O alumnado de 6º de Primaria participou recentemente nun interesante obradoiro de impresión 3D da man de AMBAR. Durante a actividade, tiveron a oportunidade de achegarse ao mundo da tecnoloxía e da creación dixital, aprendendo de maneira práctica e divertida.
Unha vez máis, queremos agradecer a AMBAR a súa disposición e colaboración co noso centro, facendo posible este tipo de experiencias tan enriquecedoras para o alumnado.
O alumnado de 3º, 5º e 6º de primaria viviu unha experiencia inesquecible coa súa visita ao Auditorio de Santiago, onde asistiu ao concerto da Real Filharmónica de Galicia titulado “Animalia”.
Durante a actuación, os nenos e nenas tiveron a oportunidade de mergullarse no mundo da música clásica dun xeito ameno e didáctico. A través das diferentes pezas interpretadas, puideron descubrir como a música é capaz de representar animais, sons da natureza e emocións, espertando así a súa imaxinación e curiosidade.
O alumnado de 3º e 4º participou este luns 2 de marzo nun obradoiro de encadernación ofrecido por AMBAR. Moitas grazas!
Hoxe luns 19 de febreiro, a Asociación Ambar realizou un obradoiro de estampación de teas co alumnado de Infantil e 1º de Primaria. Foi unha experiencia moi divertida e enriquecedora que nos gustou moito. Moitas grazas pola visita!
O alumnado de 5º e 6º de Primaria participa no proxecto solidario "Abrigo e Acubillo", colaborando coa Asociación Galega de Solidariedade co Pobo Saharahui.
Comezaremos cunha breve charla introductoria ao obradoiro, e, a continuación, realizaremos unha colcha que será posta á venda pola asociación, co fin de recadar fondos para a causa.
Con motivo da celebración do Día Escolar da Paz e Non Violencia, desde os diferentes cursos do estamos a realizar diversas actividades para reflexionar sobre a importancia da paz e a convivencia.
Por exemplo os alumnos de 5º realizaron noticias sobre paz e conflictos, comentando en grupo ideas sobre convivencia e respecto. Crearon palabras tipo graffiti con termos como "paz", "amizade" ou "solidariedade". Finalmente inspiráronse na pomba da paz de Banksy para descubrir como a arte urbana pode transmitir mensaxes sociais.
Desde o noso centro seguimos traballando para que os valores de paz, respecto e solidariedade sexan parte do noso día a día!
