Neste curso comezamos “Unha viaxe
polo mundo” co noso Proxecto Documental Integrado, este ano
traballaremos sobre África. O xoves 24 de novembro o alumnado de
primaria asistimos a un concerto no Conservatorio Histórico de
Santiago “Unha viaxe a tempo”, onde nos ensinaron algunha canción de África.
venres, 25 de novembro de 2016
DÍA CONTRA A VIOLENCIA DE XÉNERO
O Día Internacional da Eliminación da Violencia contra a Muller foi aprobado pola Asamblea Xeral das Nacións Unidas no ano 1999. A proposta para celebrar esta data realizouna a República Dominicana.
A violencia contra as mulleres afecta á súa saúde, pero vai moito máis alá, xa que as súas familias e as comunidades nas que viven tamén sofren este ataque contra os dereitos da muller.
A violencia contra as mulleres afecta á súa saúde, pero vai moito máis alá, xa que as súas familias e as comunidades nas que viven tamén sofren este ataque contra os dereitos da muller.
Deixamos un conto "Los colores", que é un conto coeducativo incluido no libro "Cuentos para despertar" de Nunila López e Myriam Cameros, as autoras do conto "La cenicienta que no quiere comer perdices", da Editorial Planeta.
Pincha na imaxe para ler o conto
Aquí temos tamén o conto na lingua de signos.
luns, 21 de novembro de 2016
DIA INTERNACIONAL DOS DEREITOS DO NENO
O 20 de Novembro celebramos o Día dos Dereitos do Neno e da nena, por que se celebra este día?
A celebración do Día do neno e a nena remóntase o ano 1924, cando a Liga das Nacións, precursora das Nacións Unidas, aproba a Declaración de Xenebra sobre os Dereitos do Neno. A declaración establece o dereito dos nenos e nenas a dispor de medios para o seu desenvolvemento material, moral e espriritual; asistencia especial cando estean famentos, enfermos, discapacitados ou quedaran orfos; ser os primeiros en recibir socorro cando se atopan en dificultades; liberdade contra a explotación económica; e unha crianza que lles inculque un sentimento de responsabilidade social.
Posteriormente, en 1948, as Nacións Unidas, aprobaron unha segunda Declaración dos Dereitos do Neno. No seu artigo 25 di que a infancia ten “dereito a coidados e asistencia especiais”
Foi en 1959 cando a Asemblea Xeral das Nacións Unidas autorizou unha terceira Declaración destes Dereitos, máis detallada cas anteriores. Recoñece dereitos como a liberdade contra a discriminación e o dereito a un nome e a unha nacionalidade. Tamén consagra específicamente os deeitos dos nenos á educación, a atención da saúde e a unha protección especial. Suxeriu a todos os gobernos que celebraran o día do neno.
Pincha na imaxe para poder ver os traballos realizados polos alumnos
mércores, 16 de novembro de 2016
Subscribirse a:
Publicacións (Atom)