Co motivo da celebración do 25 de novembro, Día Internacional Contra a Violencia de Xénero, o noso colexio tivo a sorte de recibir a visita do grupo Migallas, que nos agasallou coa súa obra “Elas pintan moito”.
A través da música, da narración e do humor, Migallas achegou ao alumnado unha reflexión necesaria sobre a igualdade, o papel das mulleres na historia e a importancia de rexeitar calquera forma de violencia. A posta en escena foi dinámica, divertida e moi participativa, polo que os nenos e nenas gozaron moito da actividade ao tempo que aprenderon valores fundamentais.
Agradecemos ao grupo Migallas o seu traballo e o seu compromiso coa educación en igualdade. Actividades coma esta axudan a construír unha escola máis consciente, respectuosa e libre de violencias.