No noso centro conmemoramos o 25 de novembro, Día Internacional contra a Violencia contra a Muller, mediante diferentes actividades nas que participou todo o alumnado.
Hoxe queremos compartir convosco unha pequena mostra do traballo realizado polo alumnado de 5º de Primaria.
Nesta ocasión, partimos da obra O fillo do home, do pintor belga René Magritte, como punto de partida artístico para promover a reflexión, a igualdade e o respecto. A través desta icona do surrealismo, o alumnado reinterpretou a imaxe para transmitir mensaxes de rexeitamento da violencia e de defensa da igualdade.
O resultado foi unha colección de creacións orixinais que convidan a pensar e a continuar construíndo unha convivencia baseada no respecto e na liberdade.
