Esta semana, para conmemorar o Día das Persoas con Discapacidade, o alumnado de 6º de Primaria preparou e realizou contacontos inclusivos para distintas aulas do colexio.
Os nenos e nenas seleccionaron historias que destacan a importancia da diversidade e da empatía, e contáronllas con moita ilusión aos máis pequenos e a outros cursos. Foi unha actividade enriquecedora que nos axudou a reflexionar sobre o respecto, a convivencia e o valor de todas as persoas.
